ppguk.org

  • Increase font size
  • Default font size
  • Decrease font size

न्या व मनू

admin
E-mail Print PDF
न्या व मनू
आर. मानन्धर
तःधिकःम्ह न्यां चीधिकःम्ह न्या नइ । मनुखं नं न्या सवाः वयेक नः । लात धाःसा न्यां नं मनू नं नेयः । थ्व ला जुयाच्वंगु खँ हे जुल । तर मनूया ला नःम्ह न्यायात हानं मनुखं नल धाःसा छु जुइ -

छुं न्हि न्हृयः अफिसया ज्यां जिपिं नेपालगंजं दाङया तुल्सीपुर वनाच्वनागु । अफिसया छम्ह पासां अगैया धाः थाय् जा नयेगु धकाः धाल । अन साप साःपिं खुसिया न्या नयेदइ हं । ड्राइभरं अगैया थ्यंका गाडि दिकल । जम्मा झिगूनिगू होटल दु अन । अफिसया स्टाफतसें थःम्हं न्हापा नइथाय् होटलय् यंकलस ताजाताजा न्या दयेके बिल ।

चिकुलायार् इ । न्या दयेका च्वँतलें जिपिं निभाः पानाः ज्वनावयागु पत्रिका लिकानाः ब्वना । अनसं फेतुनाच्वंम्ह गंसिचाम्ह
तःधिकःम्ह बाज्यःति वंम्ह खँय्नी छम्ह जिमि थाय् न्हृयःने वयाः वं नं छक्वः पत्रिका स्वये धकाः काःवल । ब्वनेसइम्ह मनू थें छतिं मच्वं । अय् जुयाः भचा अजू चाल । तर नं बिया । दुने आखः दुगु पेज पुइका तयागु, वं ला कयाखतं अःखतं स्वल । ब्वने मसःम्ह धइगु अथें हे सिल । तर व बुरि नाप सु हाला च्वनी । गबय्त स्वइ स्वइ का धैथें मनय् तया । अनंलि वं ला देबःपाखे स्वत । अन नेतातय् फोटो दुगुलिं पत्रिका हीकाः न्हृयखतं स्वल । उकी मनूतय् फोतो दुगु, साप क्वथीक स्वल । वं नेतातय् फोतय् पतिनं सुत्तुसुयाः, ल्हातं पात्तु पालाः ब्वःबिल । न्हाचः हे भचा भचा ला संका वंगु खः, आः बांलाक हे सिल । व बुरि उइं धैगु । अन च्वँच्वं खँ सियाबल । वास्तवय् व बाज्यः वंम्ह मिसाया भाःतयात निला न्हृयः व्दन्व्दरतमध्ये छगू पक्षं अपहरण याःगु जुयाच्वन । अनं लिपा आःतक छुं हे खबर मवःनि । शुरुइ ख्वया ख्वयाः जुइम्ह व मिसा निन्हु प्यन्हु न्हृयः अथें हे वँय् सू चायावल हं । होटलय् न्या दयेकाच्वंम्ह वया भौम्ह खनिं । काय्म्ह इण्डियाय् ज्या याः वनाच्वंगु दु हं । सशस्त्र व्दन्व्द यानाच्वंपिं छथ्वलं गरीब जनताया भिंया निम्तिं युद्ध यानाच्वना धाइ । मेथ्वः जनताया सुरक्षाया निम्तिं खतेजुयाच्वना धाइ । तर दुःख सियाच्वन गरीब जनतां हे, सिनाच्वन आपाः यानाः गरीब जनता हे, अले झंझं असुरक्षित जुयाच्वन सकलें जनता । ग्व सुयात छु धायेगु -
न्या बुत । जिमिसं न्या लिसे जा नयेगु शुरु याना । न्या यक्व दयेक हे तयाब्यूगु दु, उकीसं ला गेंगें दुपिं न्या, सिक्क हे साः । साः धाधां खँ सयेकु सयेकुं नया ।

अगैया धाःगु थाय्या नां जिं उखुन्हु तिनि न्यनागु । उखुन्हु कुसुमय् भिडन्त जुयाः सीपिं माओवादीत थन हे अगैया खुसी वाय् हःगु धकाः मनवाधिकारवादी टोलीइ वनावःम्ह पासां कंगु । मेय,् च्वलय् जःवंपिं मस्त न्हृयाबलें थें खुसी वंबलय् लाखय् सीपिं खनाः सातुपातु वंगु हं । जिं अगैया धाःगु खुसि गन धकाः न्यना । होटलवाला साहुनीनं थन हे ल्यूने गामय् ला खःनिस थ्व न्या नं अन हे लाना हयागु ला खः नि धाल । अबलय् मनय् जितः तिक्क वन । साः धाधां खँ सयेकु सयेकुं न्या नयाच्वनागु छत्थुं छुंछां नमवासे नया । छक्वः ला मनसे दना वने ला धइ थें नं जूगु खः तर फुक्कस्यां नयाच्वं थाय् दथुइ हे गय् दना वनेगु - छाय् छाय् धकाः न्यंसा छु धायेगु -

खास खँ छु धाः सा जितः व न्या अनयापिं हे धाःबले थ्व न्यातसें नं व मनूसीम्ह जकं मनः ला धइथें मनय् लुइमखाना वल । थपाय्सकं स्यः गेंगें दयेक ल्व्हंगु मनूया ला नये खनाः हे खः ला छु स्यू - स्वीम्ह स्वीम्ह मनू ला सीगु धाःगु । न्हापान्हापा मचाबले मामं कंगु खँ न्यानातयागु । येँय् हे लाखय् मनू छम्हेस्यां मर्सं हःम्ह तःधिकः म्ह न्या छम्ह न्यानायंकूगु हं । प्वाथय् फाया स्वःबले ला मनूया पतिं छपतिं लुयावःगु हं । मचाबले ममा कनातःगु खँ खःगु ला मखुगु ला मस्यु । तर जुइमफइगु खँ नं ला मखु । थ्व न्यातसें नं गनं मनूया ला नयातःगु ला मदु ला धैथें मनय् संका वनाच्वन । खः सा न्यां मनूया ला नल । हानं मनुखं न्याया ला नल । हरे छु धायेगु आः ।

नेपालगञ्ज लिहां वयेधुंकाःलि अगैया खुसी लाश स्वयावःम्ह छम्ह पासायाके न्यनास्वया । लाश खुसि सिथय् लखं मथीथाय् वांछ्वयातःगुलिं न्यां नयेफइमखु हं । बल्ल मन च्वन ।
न्यां मनूया ला नःसां छुं मपाः । मनुखं न्याया ला नःसां छुं मपाः। मुख्य खँ मनुखं मनूया ला नये मज्यू । मनुखं मनूया ला नयेगु ज्या जक गबले दीगु जुइ -
Comments
Add New Search
Write comment
Name:
Email:
 
Website:
Title:
UBBCode:
[b] [i] [u] [url] [quote] [code] [img] 
 
Please input the anti-spam code that you can read in the image.

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."

 

Login / Register

Close



Gallery Preview

Condolences

Mr Ishwar Prasad Manandhar
Co-founder: Pasa Puchah Guthi UK

PPGUK is greatly saddened to learn about the untimely demise of one of our past presidents and founder members, and a prominent figure amongst the Nepalese community in the UK, Ishwar Prasad Manandhar on Saturday Feb 4, 2012 at the age of 81. We have lost not only a kind soul but a gentle and humble person who always showed his unconditional love and dedication to Pasa Puchah Guthi and the entire Nepalese community in the UK. He will be sorely missed by all Guthi members, family, friends and the entire Nepalese community inside and outside of Nepal.

Pasa Puch Guthi offers it's heartfelt condolences to bereaved family members, colleagues and friends.

Mr Mohan Man Shrestha
(Father of Ms Menka Shrestha)

PPGUK's current Vice-President and representative for Women's Development Sub-committee,
Ms Menka Shrestha lost her father
Mr Mohan Man Shrestha on Monday Dec 19, 2011 during the family's visit to Kathmandu, Nepal. Late Mr Shrestha was reported for medical problems earlier this year. However, he was a very jolly personality, one of the regular attendants of all PPGUK events in London and frequently contributed through his best cooking skills for Guthi members. PPGUK's prayers are for the bereaved family, that God gives them enough strength to overcome the pain followed by this huge loss. May late Mr Mohan Man Shrestha's soul rest in peace!


Newsletter

Please subscribe for an updated information .

Your Banner Here

Banner